Goi mailako kurtsoa Adimen Lehiakorrean enpresa gipuzkoarrentzat

Data

Kategoria

Maiatzean eta ekainean zehar Gipuzkoako Bazkundean ospatuko dugu gure Adimen Lehiakorreko goi mailako kurtsoaren beste edizio bat, baina oraingoan formatu desberdinarekin. Oraingo honetan ekimena Gipuzkoako Foru Aldundiak finantzatuko du, eta beraz, Gipuzkoako enpresei zuzenduta egongo da eta asistentzia doakoa izango da. Lehenengo jardunaldia maiatzaren 24an izango da, oraindik garaiz zaude izena emateko!

Nahi duzu zure ingurunean ematen diren aldaketei aurrea hartzea? Oraindik ez dakizu zein diren Zaintza Teknologikoak zure negoziorako dituen abantailak? Ez dakizu zein pausu eman behar diren zure enpresan Adimen Lehiakorreko unitate bat martxan jartzeko?

Galdera horiei erantzuna topatu nahi badiezu, parte hartu ezazu Gipuzkoako Bazkundeak bultzatutako ekimen honetan. Jardunaldi guztiak doakoak dira eta, gainera, parte hartzaile guztiek izango dute Adimen Lehiakorreko INNGUMA softwarearen lizentzia urtebetez, hori ere doan.

Kurtsoa 4 egunetan zatituko da oraingo honetan, eta honako edukiak izango ditu:

Maiatzaren 24an eta ekainaren 1ean Adimen Lehiakorraren funtsekin zerikusia duten gaiak jorratuko ditugu, besteak beste diagnostikoa, Zaintza Faktore Kritikoak (FCV), rolak eta perfilak LA unitate baten barruan eta Adimen Lehiakorreko informeak. Arrakasta kasuak ere aipatuko ditugu.

Ekainaren 7 eta 14n informazioaren trataera eta ustiaketaren gainean jardungo dugu, eta parte hartzaile guztiek izango dute aukera ZT/AL tresna profesional bat erabiltzeko. Gainera, gakoak eskainiko dizkizuegu ingurunea, lehiakideak eta teknologien uneko egoera monitorizatzeko orduan informazio-iturriak ondo kudeatu eta atzitzeko.

Ez ezazu galdu aukera 15 urte baino gehiagoz erakunde desberdinetan Adimen Lehiakorreko unitateak martxan jartzen diharduen talde baten ezagutza eta eskarmentua partekatzeko.

 

Kurtsoaren datuak:

Lekua: Gipuzkoako Bazkundea, Tolosa etorbidea 75, 20018 DONOSTIA/SAN SEBASTIAN

Data: Maiatzaren 24 eta ekainaren 1, 7 eta 14

Iraupena: 16 ordu

Ordua: 9’00 – 13’00

Prezioa: Kurtso honetan parte hartzea doakoa da, aldez aurretik harpidetza eginda, Gipuzkoako Foru Aldundiaren Ekonomia Sustapena, Landa Ingurunea eta Lurralde Oreka Sailak eskainitako diru-laguntzari esker.

Izena eman edo informazio gehiago jaso nahi baduzu, korreo bat idatzi dezakezu Gipuzkoako merkataritza-ganberaren helbidera bikain@camaragipuzkoa.com. Nahi baldin baduzu, zure eskura dugu izena emateko formularioa ere.

LOTUTAKO
artikulu
gehiago

No se ha encontrado post relacionados.