Inngumak bere marka berritu du: erakunde bakoitzaren adimen artifizialarekin lan egiteko prest dagoen zaintza eta adimen plataforma

Inngumak, IDEKOn (DANOBATGROUPeko zentro teknologikoan) jatorria duen zaintza eta adimen plataformak, bere marka-identitate berria, web berria eta Intelligence Academy aurkeztu ditu gaur. Intelligence Academy zaintzari eta adimenari buruzko prestakuntza irekia da. Aldaketa lehen identitatetik hamar urtera iritsi da, eta funtsezko eraldaketa bati erantzuten dio: adimen artifizialak aldatu egin du erakundeek informazioa bilatzeko, laburtzeko eta erabiltzeko modua.

Bideoa: Inngumak bere marka berritu du

Zergatik aldatzen da marka

Inngumak bere lehen identitatea aurkeztu zuenean, 2016an, zaintza batez ere informazioa jaso, iragazi eta zabaltzea zela azaltzen zen. Gaur egun, erronka bestelakoa da. Hizkuntza-ereduek eguneroko ohitura bihurtu dute informazioarekin elkarrizketan aritzea, eta galdera ez da jada datu gehiago nola aurkitu, baizik eta zerk merezi duen arreta, zer esan nahi duen eta zer egin horrekin.

Inngumak «beste IA bat» bihurtu gabe erantzuten dio erronka horri. IA batek badaki aztertzen, laburtzen eta idazten, baina berez ez daki erakunde bakoitzak zer zaintzen duen, ezta haren historia ere. Inngumak testuinguru hori ematen du: garrantzitsua den kanpoko informazioa jasotzen du, IArekin iragazi eta sailkatzen du, jatorrizko iturriarekin batera gordetzen du eta talde bakoitzari helarazten dio, baita dagoeneko erabiltzen duen IAren bidez ere. Marka berriak esaldi batean laburtzen du: «Zure IAk analisirako gaitasuna ematen du. Inngumak testuingurua ematen du».

«23 urtez lagundu diegu erakundeei kanpoan gertatzen dena ulertzen. IAk ez du helburu hori aldatzen: are beharrezkoagoa egiten du. Zenbat eta informazio gehiago sortu, orduan eta balio handiagoa du zer den garrantzitsua eta zergatik jakiteak. Gure identitate berriak gaur egun Innguma dena azaltzen du», adierazi du Eneko Arzak, Inngumako zuzendari nagusiak.

Plataforma bat, hiru plan eta zerbitzu bat

Innguma produktu bakarra da: hiru plan ditu, testuingurua noraino iristen den arabera bereizten direnak, eta zerbitzu kudeatu bat:

• Innguma Core: zure zaintza, ordenatuta eta erabakitzeko prest.
• Innguma Connect: zure zaintzaren testuingurua, zure analisten IAren barruan.
• Innguma Enterprise: zure zaintzaren testuingurua, erakunde osoaren IAn.
• Innguma Service: zaintza, Inngumako analistek kudeatua.

Kasu guztietan, IAk proposatzen du eta pertsonek erabakitzen dute: erakunde bakoitzak zehazten du zer sartzen den, zer argitaratzen den eta nork ikusten duen, eta Inngumak ez du IArik entrenatzen bere bezeroen datuekin.

Sistema azaltzen duen identitatea

Ikur berria gorantz eta eskuinerantz egiten duten hiru piezaz osatuta dago: iturriak, seinaleak eta ezagutza, trazabilitatea galdu gabe metatzen direnak. Haren hiru tonuek (aran-kolorea, bioleta eta lavanda) plataformaren hiru planei ematen diete izena.

Funtsezkoa mantentzen da: izena, zaintzan eta adimenean duen espezializazioa eta zentro teknologiko batean duen jatorritik datorren zorroztasun metodologikoa.

Web berria eta Intelligence Academy

Gaurtik aurrera, web berriak, innguma.com-ek, plataforma eta haren planak azaltzen ditu, eta zaintza-kasuak biltzen ditu bideoan.

Intelligence Academy ere gaur zabaltzen da. Inngumaren prestakuntza irekia da, informazioa adimen erabilgarri bihurtzeko. Sei ibilbide, 30 ikasgai eta 16 ordutik gorako prestakuntza biltzen ditu, Intelligence Lab-eko bederatzi esperientzia praktiko eta 16 tresna berrerabilgarriko liburutegi bat, gaztelaniaz, euskaraz, ingelesez eta Brasilgo portugesez. Amaierako ebaluazioa gainditzen duenak Inngumaren ziurtagiri bat jasotzen du.

Zorroztasun frogagarria

• 23 urteko zaintza, IDEKOn (DANOBATGROUP) jatorria duena.
• Innguma, UNE 166006:2018 arauaren arabera ziurtatutako enpresa, zaintza- eta adimen-sistemen arloan.
• Segurtasun Eskema Nazionala (ENS), Ertaina kategoria.

Inngumari buruz

Innguma zaintza eta adimen plataforma bat da, eta erakundeei laguntzen die kanpoko informazio sakabanatua adimen erabilgarri, partekatu eta trazagarri bihurtzen. 2003an sortu zen IDEKOren inguruan (DANOBATGROUPeko zentro teknologikoa), eta hainbat sektoretako erakundeekin lan egiten du, hala nola automobilgintza, aeroespaziala, industria, teknologia eta I+G, osasuna, elikadura, energia eta zerbitzu profesionalak. Informazio gehiago: innguma.com.